不是E的這個post, 我差點也忘記了昨天的這段短訊對話:

(下午, 烈日當空. 我正在街上大汗淋漓的趕往客戶的辦公室. 忽爾短訊接收提示的鈴聲響起.)

K: 喂喂, 可唔可以幫我查吓NDS的super Mario的隱藏world 4 and world 7點去呀, 我同H寢食難安呀.

(1. 眾所周知, 我是不打電動的.
2. K是我的好友, 跟H剛結婚. 最爆的是, 這時她應該是正在跟H在希臘 / 威尼斯 / 歐洲某處渡緊蜜月的囉!)

我: 玩嘢咩, 我唔打機架! 試下幫你問下人啦!!

K: 嘿, 就係挑中你人脈廣嘛. 上網都可能有架.

(叫人做嘢就識賣口乖...)

我: 我響街呀大佬, 點上網呀? 話時話你果度上唔到網咩?!

K: 無呀, 有都唔會desperate到roam返香港問一個唔打機的公主問打機的知識啦.

(我好似都要roam返d 短訊架喎, 仲要本身件事與我無關... 不過為了朋友之間的義氣, 我撥了給E, 問他應該怎樣過關. 而E, 其實乃是H的中學同學.)

我: E話要... 咁咁咁.....

K: 呢個H, 竟然唔醒起E! 你呢個router好得!

(嗯... 我什麼時候從公主變了router!!!)


整件事情中, 我覺得最勁的是不打電動的我在電話中問E怎樣過關時, 竟然明白他在說什麼, 還可以對他覆述一次: "即係呢... 咁咁咁, 跟住就去果度, 之後就咁咁咁... 呀嘛, 係咪?"
情況就好像一個從未到過埃及的人, 要在香港問人在埃及從A點到B點應怎樣走. 然後再教人喎!

後記
(香港時間凌晨四時)
K: 我地成功响威尼斯開拓了新孖寶世界啦! 唔該哂!!

唉. 蜜月旅行真的是這樣苦悶嗎?